എറണാകുളം ജില്ലയിലെ ഇടപ്പള്ളി ബ്ലോക്കിലെ ഒരു നഗരസഭയാണ് തൃക്കാക്കര. 2010-ലാണ് പഞ്ചായത്തായിരുന്ന തൃക്കാക്കരയെ നഗരസഭയായി ഉയർത്തിയത്. വടക്ക് എടത്തല പഞ്ചായത്ത്, കളമശ്ശേരി നഗരസഭ, തെക്ക് വടവുകോട്, പുത്തൻകുരിശ് പഞ്ചായത്തുകൾ, തൃപ്പൂണിത്തുറ മുനിസിപ്പാലിറ്റി കിഴക്ക് വടവുകോട് പുത്തൻകുരിശ്, കുന്നത്തുനാട്, കിഴക്കമ്പലം പഞ്ചായത്തുകൾ പടിഞ്ഞാറ് കൊച്ചി കോർപ്പറേഷൻ എന്നിവയാണ് തൃക്കാക്കര നഗരസഭയുടെ അതിരുകൾ.